Објавено во: Економија 18 Ноември, 2020
Независната угостителска комора бара нивната дејност да не биде опфатена на кој било начин во ограничувањата и условувањата за работа во недела. Ставот кој го соопштија денеска угостителите е дека целокупната угостителска индустрија мора да биде изземена од комбинации во иницијативата недела да биде неработен ден и за угостителството.
„Какво било ограничување со кое на дел од угостителите ќе им биде ограничено или условено работењето во кој било ден, не само недела, е дискриминација и деградација на тие угостители“, се вели во соопштението на НУК.
За нив се неприфатливи најавите одделни угостителски објекти да продолжат да работат и во недела со обезбедување дополнителни потврди или лиценци за нивна оправданост.
„Комората ја поздравува прифатената иницијатива на Владата и потребата од законско прогласување на недела за неработен ден, но укажува дека за разлика од минатото кога семејните неделни ручеци, слави и веселби се правеле во домовите, денес тие многу често се одржуваат во кафеани“, смета комората.
Ваквиот став на НУК доаѓа по вчерашната средба на нивниот претставник со министерката за труд и социјална политика Јагода Шахпаска, која објави дека во насока на прифатената иницијатива на Владата недела да биде неработен ден, изминатите денови се водат интезивни работни средби со претставници на сите засегнати страни со цел да се подготви законското решение.
„Синдикатите, Стопанските комори, Организација на работодавачи со кои заедно со претставници од Министерствата за економија, финансии, информатичко општество, разговаравме и ги отворивме сите прашања, со цел изнаоѓање на најприфатливо и најиздржано решение.
Во таа насока беше и денешната средба со претставникот од Независната угостителска комора со цел да се слушне и мислењето на угостителите во однос на ова прашање“, објави вчера Шахпаска.
КАРАКАМИШЕВА РАСПАЛИ ЗА ОСМАНИ: Знае ли човеков дека Венецијанската комисија е експертско тело за уставни прашања, а не чајџилница во која му се поклонуваат и му ракоплескаат?
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
УШТЕ ЕДЕН СТУДЕН БРАН ЌЕ УДРИ ВО ЕВРОПА И НА БАЛКАНОТ: Дали ни доаѓа многу ладен бран со дожд, снег и мраз?
„ЈАС ТВРДАМ ДЕКА ЛАЖЕ“: Најчевска распали по изјавата на Османи за две мнозинства, бара објаснување од поранешниот министер
„ЗА ТИЕ ПАРИ...“: Луѓето револтирани од цените на Јадранот
ЗАЧЕСТИЈА „ПРИКАЗНИТЕ“ ЗА КЕЈТ И ВИЛЈАМ: „Не ја поднесува добро хемотерапија, принцот нема да остане долго со неа“
„МНОЗИНСТВОТО АЛБАНЦИ НА ОВИЕ ИЗБОРИ ГО ПРЕТСТАВУВА ВРЕДИ“: еве што му порача некогашниот сопартиец Меџити на Османи
ЧЕТИРИДНЕВНА РАБОТНА НЕДЕЛА: Овие земји ја испробаа и не се враќаат назад
Оружје и дипломатија за Украина – сите погледи кон Кина
Кина и Русија продолжуваат со градењето на мултиполарниот поредок
Сите написи се користат само за лично информирање.
Преземање, нивно користење и реемитување се можни само со посебен договор со основачот на порталот.
© 2024 FAKTOR
