УЈП ќе влезе во 1 ТВ и во Меѓународниот сојуз
Објавено во: Македонија 21 Август, 2019
Управата за јавни приходи ќе направи во контрола на Меѓународен сојуз, 1 ТВ, БМЈ груп.
УЈП до петок ќе даде налози за отпочнување контроли кај физичките и правните лица поврзани со случајот „Рекет“, најави денеска директорката на УЈП Сања Лукаревска.
„Ќе постапиме во делот кој се однесува на даноците. До петок би требало да ги дадеме налозите за отпочнување на контролата во Меѓународниот сојуз, 1ТВ, БМЈ груп и сите останати даночни обврзници за кои преку анализите сме утврдиле дека постоеле одредени деловни односи и соработка. Ќе направиме и контрола на сите засегнати физички лица во телата и органите на Меѓународниот сојуз за кои ќе ги утврдиме и исплатите кои се правени“ – рече Лукаревска.
Таа додаде дека физичките лица ќе бидат контролирани по основ на остварените приходи и по основ на Законот за персонален данок, а останатите даночни обврзници преку ДДВ, данок на добивка, пресметки, деловни односи, задржан данок.