УЛТИМАТУМ ЗА СРБИЈА: Без договор со Косово нема влез во ЕУ
Објавено во: Балкан 31 Јануари, 2018
Претседателот на Европскиот парламент, Антонио Тајани му рече на српскиот претседател Александар Вучиќ дека Брисел очекува правно-обврзувачки документ со Приштина, пред Србија да добие можност да стане членка на ЕУ.
Вели дека договорот со Приштина мора да биде потпишан пред формалното членство на Србија во ЕУ.
„Го почитуваме фактот што ЕП, како тело кое што претставува 400 милиони луѓе, ја препознава важноста за проширување на ЕУ на Западен Балкан“- изјави Вучиќ по средбата со Тајани.
Тајани е уверен дека Србија ќе ги направи потребните реформи поврзани со владеењето на правото и слободата на медиумите. Тој воедно предупреди дека треба да се работи на преуредување на правната држава, уставните реформи и слободните медиуми.
Тајани ја поздрави и одлуката на Вучиќ да ја прифати поканата на хрватската претседателка Колинда Грабар Китаровиќ за да го посети Загреб.
Во името на ЕУ и на Европскиот парламент го осуди убиството на српскиот лидер на Косово Оливер Ивановиќ.
Тајани вели дека со влезот на Србија во ЕУ ќе се решат проблемите на малцинствата.