Уште една студентка удрена со автомобил на протест во Србија

Добивај вести на Viber

За време на протестна сообраќајна блокада во Нов Белград, на улица Јурија Гагарина, студентка е удрена од автомобил кој не можел да помине. Таа е тешко повредена и пренесена во болница, објави ФоНет.

Жената која го управувала автомобилот исфрлила неколку полицајци од страната на патот, додека повредената девојка ја носела на хаубата, како што може да се види на видеото.Повредената девојка е пренесена во Ургентниот центар, а како што подоцна беше соопштено, таа е свесна, комуникативна и е упатена на дијагностика.

Вишото јавно обвинителство и одреди притвор на М.С. 25 години, возачот на автомобилот која се товари за тешко убиство во обид, дознава Н1. Нејзе и е одредена мерка притвор во траење од 48 часа.

М.С. Се сомничи дека делото го извршила додека управувала автомобил марка „Цитроен“, на тој начин што поради блокирање го стартувала возилото од местото каде што било паркирано и удрила во две лица, од кои едното се здобило со повреди на главата.

„Уште еднаш бевме сведоци на автомобил кој прегази наши колеги студенти. Најостро го осудуваме секој таков чин“, се вели на Инстаграм профилот Студенти во блокада.

„Се надеваме дека нашиот колега ќе биде добро, а на јавноста и порачуваме – нема да не газите.

Во Белград и во другите градови во Србија беа одржани масовни сообраќајни блокади, иницирани од студенти, а десетици компании и поединци ја прекинаа работата во петокот во согласност со повикот за генерален штрајк.