УШТЕ ГОРИ ВО ВЕЛЕШКО: Пожарот се раширил во два правци
Објавено во: Македонија 26 Август, 2019
Aктивен e пожарот во oколината на Велес, се шири кон селото Новачани.
Во пожарот досега не се зафатени хотелите и куќите од викенд населбата, нема жртви ниту повредени.
Како што информираат од ТППЕ Велес за МИА, поради силниот ветер пожарот се раширил во два правци, кон велешкото езеро и кон селото Отовица, каде во опасност биле првите куќи, односно оние што се блиску до железничката пруга. Постои опасност, поради ветрот огнената стихија да се прошири и кон автопатот Скопје – Велес.
Со пожарот е зафатена борова шума.
„Во гасењето на пожарот ангажирани се 50 вработени од АРМ, еден хеликоптер на АРМ и два авиони од Дирекција за заштита и спасување. Исто така на помош се пратени и екипи од пожарните во Неготино и во Кавадарци”, велат од Центарот за управување со кризи.
Со два авиона од воздух во гаснењето на огнената стихија е вклучена и Дирекцијата за заштита и спасување, активирана е и подрачната единица на Општина Велес и останатите надлежни институции, како Армијата со еден хеликоптер, и полицијата.