Уште еден од напаѓачите во Собрание пронајден и притворен
Објавено во: Македонија 01 Мај, 2017
Уште еден од осомничените напаѓачи кој упадна во македонското собрание е спроведен во Основниот суд Скопје 1 пред судија на претходна постапка. Судот на ова лице му определи мерка притвор во траење од осум дена по предлог на ОЈО, информираат од Кривичен.
Во текот на вчерашниот ден во Основниот суд Скопје 1 – Скопје пред судија на претходна постапка беа спроведени седум лица за кои судот по ценење на предлогот на ОЈО го прифати предлогот и на четири лица им определи мерка притвор, на едно лице му определи мерка куќен притвор и на две лица мерки на претпазливост, соопштија од Основниот суд Скопје 1 – Скопје.
Предлогот, посочуваат од судот, се однесува на кривичното дело – Учество во толпа што ќе спречи службено лице во вршење на службено дејствие од член 384 став 1 од Кривичниот законик за кое е предвидена казна од една до пет години согласно Законот, а со оглед на тоа што се работи за скратена постапка по новиот Закон за кривична постапка во претходна постапка притворот може да трае најмногу до осум дена.