УСПЕШЕН ПАЗАР: Како Ердоган ја надигра ЕУ
Објавено во: Свет 27 Март, 2016
И покрај жестоките критики за неодамнешниот договор на Турција со Европската унија, не може да се негира дека Анкара на преговарачка маса дејствуваше многу претпазливо.
Турција бараше дополнителни 3 милијадри евра финансиска помош од ЕУ, бидејќи наводно ги потрошила сите 8 милијарди долари на бегалците кои во текот на изминатите пет години влегувале од Сирија, Ирак и Авганистан.
Покрај тоа, Анкара побара безвизен режим за турските граѓани кои патуваат во Европа и повторно да започне преговори за влез во Европската унија.
Прашањето за членството на Турција веќе долго време е пречка во односите меѓу Брисел и Анкара, но во текот на преговорите за запирање на приливот на бегалци , токму ова прашање беше закана за колапс на договорот.
Иако беше постигнат споразум, и на двете страни им е јасно дека Турција нема во скоро време да влези во ЕУ.
Реџеп Таип Ердоган се поодлучно спроведува авторитарна политика, додека ЕУ се бори да ги задржи своите членки.
По договорот, турскиот претседател, во неколку наврати ја обвини Европа за дволичност во врска со прашањето на тероризмот, по нападот во Анкара каде загинаа 27 цивили.
Тој ги обвини лидерите на Западот дека се одговорни за проблемот со тероризмот со кој се соочува Турција,.
"Турција се бори против терористите на демократски начин и во согласност со владеењето на правото, отколку што направиja западните земји кога ќе се соочат со слична закана", рече Ердоган.
Во реторичкиот занес, Ердоган изјави дека европските ставови за слобода и демократија, во светло на лицемерие не значат ништо за Турција.
А договорот на кој Ердоган ја принуди ЕУ, освен финансиската придобивка, му даде извонредна прилика да се позиционира како „водач со идеали” наспроти “лицемерниот Запад".