Добивај вести на Viber

Вести во фокусот на Фактор ова утро...

Главна вест во државата ова утро е распитот на специјалната јавна обвинителка Катица Јанева. Таа пред новинарите кратко даде изјава но ги избегна прашањата.

Јанева ќе се најде од спротивната страна на обвинителското столче, а меѓу другото кажа и дека очекува аргументите кои ќе ги каже ќе ја забрзаат истрагата.

(ВИДЕО) ЈАНЕВА: Јас сум сеуште СЈО, се надевам дека ќе и помогнам на истрагата

*

Дали клопчето околу најголемата афера во која се побарани милиони евра рекет конечно ќе биде отплеткано, ќе добиеме ли одговори кој се учествувал во рекетирање на осомничени и обвинети во предметите на СЈО, но и бројни бизнисмени и предводници на општини?

Во текстот на германскиот весник „Шпигел“ кој посветува внимание на падот на митот за хероината Катица Јанева како специјална јавна обвинителка, токму случајот „Рекет“ може да биде показател дали државата има доволно капацитет да испорача вистинска правда и владеење на правото, еднакво за сите, без оглед на нивната моќ, финансиска или општествена положба.

Најголемата домашна индустрија за месни преработки и сувомесни производи „Пекабеско“ направи 36,9 милиони евра приход од продажба за првите шест месеци годинава и тоа е за 4 отсто подобар резултат од лани, покажуваат официјалните податоци достапни на веб платформата СЕИ НЕТ на Македонската берза за хартии од вредност. 

Граѓаните оваа година се жалат дека цените на овошјето и зеленчукот за нив се скапи, но од друга страна земјоделците велат дека тоа не се високи цени, затоа што и тие имаат високи трошоци за производство, и дополнително, цените биле високи само во одреден период од оваа сезона кога производството на одредена култура било во мали количини.