Вака се штедат и до 10.000 евра!

Добивај вести на Viber

Локалните угостители се во гужва, се повеќе млади брaчни парови кои влегуваат во брак во Хрватска одлучуваат својата свадба да ја прослават во Херцеговина, па така штедат и по 10.000 евра. Капацитетите се често пребукирани, па угостителите не успеваат да одговорат на бројните барања, пишува „Дејли аваз ". Така, свадбена прослава која се сели од Хрватска во Херцеговина, е многу поевтина. „На сите им се исплатува , бидејќи е поевтино кај нас. На пример, место, кое кај нас чини  18, во Хрватска е околу 65 евра. Така од една свадба се штедат до 10.000 евра", вели Иван Бешлиќ кој има свадбен салон во Посушје. Таму, неодамна свадбената прослава ја направи пар кој пристигна од Вараждин, а со нив дојдоа многу гости. Пристигнаа во шест автобуси. Зголемената побарувачка за овој вид на туризам поради ограничениот капацитет во Херцеговина веќе доведе до пребукирање на капацитетите. Некои од потенцијалните невести и младоженци, веќе резервираат место и се е полно до средината на 2015 , а свадбена веселба во Херцеговина се повеќе се организира во работните денови.