Вардар со победа се враќа во Скопје
Објавено во: Стил 22 Април, 2018
Со голот на Македа од аут во последните секунди, Вардар оствари голема победа од 29-28 како гостин против Кил во првата средба од четвртина-финалето од ракометната Лига на Шампиони.
Домаќинот имаше водство и до три гола разлика, но борбениот Вардар не падна во играта во ниту еден момент. Стоилов, кој беше стонастотно ефикасен, и Мораеш беа расположени за голови со по пет погодоци, а исто толку постигна и Чупиќ од линијата за седум метри.
Овој резултат сепак не треба да се свати како готова работа и пласман на фајнал-фор турнирот, бидејќи Кил ќе дојде во Скопје за да го поправи впечатокот и да обезбеди понатамошен пласман преку реваншот.
На 29 април се игра вториот меч во СРЦ „Јане Сандански“, кој веќе е распродаден за овој дуел.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
МЛАДИТЕ БРИТАНЦИ НЕ ГО САКААТ КРАЛСКОТО СЕМЕЈСТВО: Само еден член стои полошо од Хари и Меган
