Вашингтон ја легализираше марихуаната, со облак од чад е прославено во Сиетл

Добивај вести на Viber

Стотици љубители на марихуаната се собраа во Сиетл за во облак од чад да ја поздрават легализацијата на канабисот во американската држава Вашингтон, која влезе во историјата на САД како прва сојузна држава што доволи поседувањето марихуана за лична употреба на возрасните. Овој јавен собир во центарот на Сиетл е всушност кршење на клучните одредби на овој историски закон, кој дозволува на корисниците да консумираат марихуана само во приватноста на своите домови, но не и на јавно место. Главниот обвинител во Сиетл издаде строго предупредување дека консумирањето на марихуаната во јавност нема да се толерира и дека прекршителите ќе се соочат со парични казни од 100 долари. Меѓутоа, полицијата соопшти дека сепак  им беше наложено да ги ограничат нивните активности за време на собирот. Новиот закон, кој беше усвоен минатиот месец наречен „Иницијатива 502“, не предвидува кривични казни за лицата постари од 21, кои имаат 28,5 грама или помалку марихуана за лична употреба. Исто така се легализираше и поседување на производи тешки до 0,45 килограми, како како колачиња на пример, кои содржат канабис, како и до 2,4 килограми канабис во течна форма. Сепак, возењето под дејство на канабис или употреба на јавни места е забрането. Продажба, одгледување па дури и делење на своите залихи исто така е кривично дело, иако законот им овозможува на поединците да купат марихуана за лична употреба во ограничен износ.