Вечерва излегува ФОКУС со детали за сообраќајната несреќа!

Добивај вести на Viber

Излезе новиот број Фокус. Вечерва на продажните места низ Скопје, а утре низ републиката ФОКУС одново нуди интересни содржини. Со наслов ИСТРАГА ВО БЕСТРАГА, весникот открива детали за несреќата во која загина основачот на Фокус Никола Младенов. Кој беше пратеникот што ја обзнани веста за смртта, зошто исчезна мобилниот телефон на Младенов? Во новиот број Владо Апостолов пишува за нова Мега тужба што и се заканува на Македонија, Мери Јордановска истражуваше за што всушност служат камерите на патарините низ Македонија, Ирена Мулачка дава одговори на прашањата зошто во земјата пациентите се помалку важни од владините кампањи. Влатко Стојановски ги открива можните наследници на Трајко Вељановски на претседателската фотелја во Собранието. Валентина Стојанчевска го опсервира последниот судски процес на Љубе Бошкоски. Синиша Станковиќ го интервјуираше Тито Петковски, а Јадранка Костова пишува за модерните среќни робови во македонското општество. Воведникот „За нештата да станат појасни“ овојпат го има Младен Чадиковски. Фокус носи и многу други нешта, колумни, вести од иднината, редовната ДДВ рубрика, Лајф стајл, познатиот стрип на Стевац и Јофе. Откако последниот број што излезе во петокот беше распродаден за само еден ден, овој нов ФОКУС излегува уште побогат со информации и анализи.