(ВИДЕО) АСАНЖ СЕ ЗАКАНУВА: Какви документи ќе објави Викиликс за американските избори?

Добивај вести на Viber

Основачот на Викиликс Џулијан Асанж и се обраќа на јавноста во глобално онјалн видео по повод 10-от роденден на сајтот.

„Викиликс објави десет милиони документи во изминатите десет години. Тоа се десет милијарди зборови, во просек околу три илјади документи дневно“, рекол Асанж.

„Самите документи откриваат, но реакциите на владите и државите на ова откривање исто така откриваат“ , додал тој. Тој исто така вели дека „Викиликс“ се надева оти ќе објави документи секоја година во наредните десет недели.

Асанж вети дека објавувањето ќе продолжи, но дури иако тој ќе мора да поднесе оставка.

„Викиликс“ ќе објави документи за американските избори пред 8 ноември. Некои од објавите ќе влијаат на владите на три држави“, истакнал Асанж.

„Документите кои ќе ги објавиме вклучуваат и значајни материјали за војна, оружје, нафта, „Гугл“ и американските избори, рекол Асанж говорејќи преку видео-линк од еквадорската амбасада.

Тој наведува дека имало многу погрешни цитирања кои сугерираат дека „Викиликс“ ќе им наштети на претседателските избори во САД.

Тој рекол дека ќе покрене специјална структура на членство за да остане „Викиликс“ независен.

Асанж се наоѓа во амбасадата на Еквадор во Лондон од 2012 година поради страв дека би можел да биде испорачан во Шведска каде е обвинет за сексуално злоставување, а оттаму во САД, каде би можел да се соочи со обвиненија за шпиунажа поради објавени тајни документи преку неговата страна.