(ВИДЕО) Ирак покажа како „Ноќните ловци“ ја истребуваат „Исламска држава“ во Рамади!
Објавено во: Свет 29 Декември, 2015
Руски медиуми објавија видео на кое се гледа како ирачки војници нанесуваат удари по позициите на „Исламска држава“, за да го ослободат градот Рамади. Во освојувањето е одржан масовен напад од воздух со помош на руски хеликоптери „Ми-28“.
Видеото е обезбедено од војници од Ирак. Нападот се водел на објекти на „Исламска држава“ лоцирани во околината на градот Рамади, главниот град на провинцијата Анбар.
На видеото се гледа како „Ноќните ловци“ на ирачките воени единици испуштаат ракети врз целите и истрелуваат оган од автомати, со што борбите се водат и во текот на ноќта.
Како што е познато, ирачката армија го зеде под контрола владиниот комплекс во Рамади, кој беше освоен од терористите на „Исламска држава“.
Во почетокот на декември армијата на Ирак објави дека започнува голема воена операција за ослободување на градот.
Терористите презедоа контрола над Рамади во мај оваа година. Тогаш ирачките воени единици не успеаја да го задржат градот, иако имаа поддршка предводена од САД и коалицијата.
[embed width="700" height="450" ]https://youtu.be/PE_WESDqJDE[/embed]