(ВИДЕО) КАТАСТРОФА: Воз со 200.000 литри отров излетал од шините
Објавено во: Свет 27 Декември, 2015
Воз со 200.000 литри сулфурна киселина излетал од шините во северозападната австралиска држава Квинсленд, соопштија денеска локалните медиуми.
Локомотивата како и 26 вагони полни со киселината излетале од шините во 10.20 по локално време во близина на градот Џулија Крик, соопшти каналот Еј-Би-Си.
Локалните власти прогласиле вонредна состојба и ја затвориле зоната во радиус од повеќе од 1,5 километри.
Полицијата соопштила дека три лица се повредени и дека се пренесени во локалната болница.
Патничките возови во регионот се откажани, соопштила железницата на Квинсленд, која управува со железничкиот сообраќај во тој регион, соопшти „Спутник“.
[embed width="700" height="450" ]https://twitter.com/9NewsBrisbane/status/681047964593172480?ref_src=twsrc%5Etfw[/embed]