(ВИДЕО) РАМА ПРЕСЕЧЕ ТОРТА: Aлбанија го отвори последниот кластер од преговорите со ЕУ
Објавено во: Балкан 17 Ноември, 2025 16:22
Албанскиот премиер Еди Рама симболично пресече торта во Брисел затоа што Албанија го отвори последниот преговарачки кластер со Европската Унија(ЕУ).
Еврокомесарката за проширување, Марта Кос, изјави дека денот е историски и за ЕУ и за Албанија, бидејќи покажува дека европската политика на проширување дава реални резултати.
Таа нагласи дека напредокот се должи на „упорната политичка волја на албанските власти, поддршката од земјите-членки и силното учество на граѓанското општество“, додавајќи дека албанските граѓани се тие што ја туркале земјата напред со своите очекувања за промени.
Рама оцени дека Албанија денес постигнува нешто што до неодамна делувало недостижно.
„Пред само една година ова беше незамисливо. Поминавме низ години на разочарувања и одбивања, но токму тоа нè зацврсти и ни даде јасна слика за важноста на процесот. Денес стоиме пред нешто што некогаш беше само сон“, изјави тој.
Албанија има амбиција да ги затвори преговорите до крајот на 2027 година. Целта на Албанија е полноправно членство во ЕУ во 2030 година. Албанија стана кандидат за членство во 2014 година.
Можеби ќе ве интересира
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
