ВИСОКАТА ИНФЛАЦИЈА И СКАПИОТ УВОЗ НА ЕНЕРГЕНСИ ПРОДОЛЖУВА ДА ГИ „ТОПИ“ ДЕВИЗНИТЕ РЕЗЕРВИ - во мај намалување за нови 60-тина милиони евра
Објавено во: Финансии 09 Јуни, 2022
Не запира трендот на пад на девизните резрви на земјава.
Народна банка на Македонија излезе со најнов подток за мај, кој говори дека на крајот на петтиот месец од годинва девизните резерви изнесувале 3,18 милијарди евра.
Во однос на април кога нивото на девизните резерви беше 3,24 милијарди евра, мајските бројки говорат за ново намалување од околу 60 милиони евра.
Или, во однос на почетокот на годинава, девизните резерви се стопени за
околу 460 милиони евра, е заклучокот кој може да се извлече од табелите на
централната банка.
„На крајот
на мај 2022 година, официјалните девизни резерви изнесуваат 3.183,4 милиони
евра. Најголем дел од девизните резерви се пласирани во хартии од вредност, со 73,2 отсто, по што
следуваат валутите и депозитите, со 14,8 проценти и монетарното злато со 12 отсто.
Во април, пак, месечниот пад на девизните резерви изнесуваше 33 милиони евра.
Затоа, пак, многу позначајно било мартовското „топење“ на државните девизи, и тоа изнесувало дури 110 милиони евра. Девизните резерви се намалиле и во февруари, и тоа за 83 милиони евра. Најголем, пак, бил минусот што за еден месец го доживеале девизните резерви во јануари годинава, и тоа за дури 178 милиони евра.
Инаку, треба да се спомене дека во јуни лани, девизните резерви беа највисоки, и тоа 4,03 милијарди евра, а потоа стартуваше еден тренд на намалување, кој никако да запре, за сега државните девизи да се сведат на 3,18 милијарди евра.
Фактор неодамна ја праша Народна банка на Македонија зошто девизните резерви на државата се намалуваат континуирано од месец во месец
Од НБМ беа децидни дека девизните резерви се на соодветно ниво за одбрана на курсот на денарот, а причината за нивното намалување е увозот на поскапите енергенси.
„Промените во девизните резерви од почетокот на годината главно се одраз на поголемите потреби на компаниите за девизи заради повисокиот увоз на енергенси, а во услови на значаен раст на светските цени на овие производи. Во текот на април и мај овие притисоци значително се намалија, воедно се забележува и сезонски поголема понуда на девизи и девизниот пазар е стабилен“, потенцираат од централната банка.
Од монетарната власт за Фактор тврдат дека девизните резерви на земјава без дилема се на соодветно ниво за одржување на стабилен курс на денарот.
Н.Н.Ф.Можеби ќе ве интересира
Оваа работа може да ви донесе и до 15 000 евра по сезона: Си работите 10 минути покрај море, а покрај тоа капнува и бакшиш!
Оние жолти мали центи кои ви се моткаат низ паричник можеби вредат многу повеќе: На една вредноста и е 2500 евра-еве ја листата
БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците
„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена
ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони
НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома
СКАПИ ВИ СЕ ТАКСИ УСЛУГИТЕ? Еве колку плаќаме кај нас а колку во светот
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
НАД 900 МИЛИОНИ ЕВРА СВРТЕНИ ВО НЕДВИЖНИНИ - најмногу се купувале станови, но ни куќите не заостануваат
