Владата го откри местото каде ќе се стави потпис на договорот за името
Објавено во: Македонија 16 Јуни, 2018
Договорот за решавање на македонско-грчкиот спор за името и за стратегиско партнерство меѓу владите на Република Македонија и на Република Грција ќе биде потпишан утре во Псарадес на грчка страна од Преспанското Езеро, по што официјалната средба на двете делегации ќе продолжи на македонската страна на Преспа, во Отешево, соопшти вечерва владината прес-служба.
Потписи на договорот ќе стават министрите за надворешни работи двете земји, Никола Димитров и Никос Коѕијас, заедно со медијаторот во преговорите, амбасадорот Метју Нимиц.
Делегацијата на Владата на Република Македонија на свечената цермонија на потпишувањето на конечниот договор за решавање на македонско-грчкиот спор за името и за стратегиско партнерство, ќе ја преводи премиерот Зоран Заев. Во владината делегација ќе бидат и вицепремиерите - министерката за одбрана Радмила Шекеринска Јанковска, министерот за европски прашања Бујар Османи и министерот за внатрешни работи Оливер Спасовски.
Македонската делегација во Псарадес ќе биде пречекана од грчкиот премиер Алексис Ципрас и шефот на дипломатијата Никос Коѕијас.
Предвидено е на свечената церемонија во Република Грција, обраќања да имаат премиерите Заев и Ципрас. Претставниците на владите на двете земји потоа заминуваат за Отешево каде што ќе биде одржана официјалната средба на двете делегации, ќе има билатерален разговор и свечен ручек.
На церемонијата во Псарадес и во Отешево ќе присуствуваат потсекретарката за политички прашања на Обединетите нации Розмари Ди Карло, високата претставничка за надворешни работи и безбедносна политика на ЕУ и заменик-претседателка на Европската комисија, Федерика Могерини, како и комесарот за европска соседска политика и преговори за проширување на Европската Унија, Јоханес Хан.
Можеби ќе ве интересира
АНДРЕЈ ПЕТРОВ:Признаваме дека ВМРО ДПМНЕ направи подобар резултат
ОСМАНИ ПОБЕДИ ВО БЕРЛИН И МИНХЕН, ПЕНДАРОВСКИ ВО ВАШИНГТОН, А ТЕСНА БИТКА СЕ ВОДЕЛА МЕЃУ СИЛЈАНОВСКА И ВАНКОВСКА ВО ЉУБЉАНА: Како гласаше македонската дијаспора?
КАКВО ВРЕМЕ ЌЕ ИМАМЕ ВО МАЈ, ЈУНИ И ЈУЛИ?: Очекуваме за степен до два повисоки температури од вообичаените, но ќе растат условите и за временски непогоди
„СДСМ КО ЕДВАЈ ДА ЧЕКАШЕ ДА ИЗГУБИ“: Колозова во нејзин стил, вели нема кој да не вади од паланкава
ФАКТОР НА ДЕНОТ: Се сумираат резултатите од изборите, Силјановска со голема разлика пред Пендаровски
ХАЈРЕДИНИ: Што ќе се случи ако Македонците се обединат?
МИЦКОСКИ: Мобилизацијата на граѓаните ќе биде одговор на евентуален бојкот на СДСМ и на ДУИ на вториот круг
ДИК: Tечат роковите од 48 часа за приговори, на трите места во Куманово нема да се прегласува
МЕТА: Победата на Силјановска-Давкова ќе биде уште поголема во вториот круг
