29 Март, 2024
0.0245

Владата ги „собрала“ банкарите за кредитирање на буџетот, тие сакале повисоки камати

Објавено во: Финансии 25 Декември, 2019

Добивај вести на Viber

Пред да почне да го „пакува“ буџетот за идната година, Владата ги викнала на заедничка маса банкарите од земјава, со цел да се договорат поволни услови за заемите кои неколку домашни банки ќе му ги дадат на државниот буџет за идната година. 

Овој кредит на државата ќе и биде потребен со цел да се обезбеди стабилно финансирање за идната година, дотолку повеќе што и веќе од трети јануари ќе почне да функционира техничката Влада, а во Министерството за финансии ќе има дополнителен заменик министр на предлог на опозицијата.

Според информациите, од Владата успеале да издејствуваат каматни стапки од 0,7 проценти годишно, онолку колку што државата плаќа и на државните хартии од вредност кои ги издава. 

Но, тоа не било баш лесна работа, бидејќи банкарите сметале дека за заемот што ќе и го одобрат на државата, треба да добијат повисоки каматни стапки. Сепак, на крајот решиле да излезат во пресрет, и се согласиле каматата на средствата што ќе ги одобрат да изнесува 0,7 проценти. 

Според информациите, од Министерството за финансии гледале не само да ги добијат средствата, туку и тоа кредитирање што ќе го направат банките за државата да не биде на штета на кредитирањето на компаниите и населението, односно банките да имаат доволно средства и за одобрување на кредити за корпоративниот сектор и граѓаните. 

„Банките имаат голема ликвидност и овие заеми нема да им го намалат обемот на кредитирање на другите клиенти“, велат извозите. 

А како што веќе пишуваше Фактор, Македонија за прв пат во својата историја, со одлука на Владата, ќе се задолжи кај домашните комерцијални банки за околу 133 милиони евра, кај шест кредитори, за да врати заем чиј рок истекува на почетокот од следната година.

Ова е прв пат земјата да се задолжува на ваков начин, преку краткорочен кредит кај домашните банки. Нјголемото задолжување ќе биде кај Комерцијална банка во износ од 60 милиони евра, Стопанска банка Скопје е на второто место со сума од 30 милиони евра, а потоа следуваат НЛБ банка со 17,9 милиони евра, Охридска банка и Халк банка со по 10 милиони евра, и Шпаркасе банка со пет милиони евра.  

Договорот го склучува Министерството за финансии и во име на земјата ќе го потпише министерката за финансии Нина Ангеловска, кредитите ќе се користат под фиксна каматна стапка која изнесува 0,7 отсто на годишно ниво и еднократна провизија за водење на кредитен аранжман во износ од 0,2 проценти од вкупниот износ на кредитот. Рокот на отплата ќе биде до 28 декември 2020 година. 

Идната година земјава треба да врати големи суми претходно земени кредити кон странство.

Н.Н.Ф.

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка