Добивај вести на Viber
Владата нема намера да се дистанцира од Рамиз Мерко, откако САД го стави струшкиот градоначалник на „црната листа“.
Министерката за животна средина Каја Шукова денеска имала средба со Мерко на настан на кој се разговарало за потребата од прогласување на планината Јабланица за национален парк.
„Денеска, градоначалникот, д-р Рамис Мерко во работна посета ја пречека министерката, Каја Шукова.
Работна средба се одржа во салата на Советот на општината, во присуство на месните заедници кои гравитираат на планината Јабланица, но и на еколошките здруженија, со цел започнување на постапката за прогласување на Јабланица за заштитено подрачје, односно за Национален парк“, објави општината.
Претходно ДУИ соопшти дека Мерко ќе биде исклучен од сите раководни функции во неговата матична партија, а Обвинителството објави дека ќе провери зошто нема завршница за предметите кои се отворени за градоначалникот на Струга.