Вложување преку програмиран план

Добивај вести на Viber

Основната идеја за функционирањето на отворените инвестициски фондови е здружувањето на парите од поголем број вложувачи, со цел понатамошен заеднички настап на пазарот на капитал. Токму затоа англиската терминологија за отворен фонд гласи “mutual fund”, што вo слободен превод на македонски јазик означува здружен или заеднички фонд. Преку заедничките фондови на малите вложувачи им е овозможено да ги користат истите придобивки од заедничкото инвестирање, како и вложувачите со поголеми износи. Точно е дека на краткорочен период вредностите на акциите на пазарот на капитал се движат во обете насоки – нагоре и надолу. Меѓутоа, доколку вложувањето се прифати како долгорочна активност, приносите кои можат да се остварат во просек ја надминуваат стапката на годишна инфлација, како и каматата на сигурните банкарски депозити. Што е тоа програмиран план? Програмираниот план претставува специјално креиран систем за долгорочно вложување во инвестициските фондови со кои управува КД Фондови АД Скопје. Преку него е овозможено лесно и ефикасно вложување со мали редовни уплати. Сами одлучувате за периодот на времетраење на планот, износот кој ќе го издвојувате на месечно ниво и фондот во кој ќе вложувате. Програмираниот план овозможува:

• Постојано акумулирање на влогот, поради редовните уплати
• Намалување на ризикот од вложување во погрешно време
• Пониски трошоци

За кого е наменет програмираниот план? Наменет е за сите оние кои  сакаат на ефикасен начин  да се подготват за идните настани кои ги очекуваат (школување на децата, купување сопствен дом, помирни пензионерски денови...), а при тоа се подготвени редовно да вложуваат во текот на 10 или повеќе години. Кога е вистинското време за вложување – најтешкото прашање на кое никој со сигурност не може да даде точен одговор. Токму затоа, програмираниот план, доколку се користи со дисциплиниран приод и емоциите бидат надвладеани, е соодветната алатка за вложување, без разлика на моменталната состојба на пазарите на капитал.