ВМРО-ДПМНЕ бара законот за СЈО да се испрати до Венецијанската комисија
Објавено во: Македонија 07 Октомври, 2019
ВМРО-ДПМНЕ бара предлог-законот за Јавно обвинителство, со кој се одредува натамошно функционирање на СЈО но во друга форма, да биде испратен на мислење до експертската Венецијанска комисија. Во меќувреме, веќе подолго време нема средба помеѓу таборите на власта и опозицијата за овој закон, а особено иницијативите станаа пасивни откако редовното обвинителство ги превзеде предметите од СЈО.
„Алсат“ пренесува дека ВМРО-ДПМНЕ исто така инсистира и Законот за Академија за судии и јавни обвинители да биде доставена до истата меѓународна институција.
Во меѓувреме и од двете страни најавуваат дека лидерска средба или состанок на претставниците ќе има кога ќе има доближување на ставовите, односно одреден исчекор за кој ќе вреди да се разговара.
Премиерот Зоран Заев истакна дека е пожелно да има договор до средината на октомври кога Европскиот совет ќе носи одлука за започнување на преговорите на Македонија со ЕУ.