ВМРО-ДПМНЕ: Дамјановски да не го поврзува инцидентот со знамето со нас
Објавено во: Македонија 01 Април, 2017 18:00
Од општинскиот комитет на ВМРО-ДПМНЕ упатија остра осуда за вчерашниот инцидент кога неколку лица, дрско и без почит, го симнаа македонското знаме во центарот на Куманово и поставија знаме на друга држава.
„Овој антидржавен чин претставува длабоко кршење на суверенитетот и територијалниот интегритет на Република Македонија. Вчера беше погазено достоинството на граѓаните, беа длабоко повредени чувставата на сите кои ја доживуваат Република Македонија како своја татковина. Ваквото неодговорно однесување кое има за цел понижување на народот, директно задира во соживотот и во напорите за градење на мултикултурно општество, каде сите Македонци, Албанци, Турци, Срби, Роми, Бошњаци и останатите, ќе живејат во хармонија, поткрепена со взаемно разбирање и почитување“ - изјави Драган Петковски, претседателот на општинскиот комитет на ВМРО-ДПМНЕ.
Тој се надева дека ваквиот инцидент се случува за прв и последен пат во Куманово и ги повика градоначалникот Зоран Дамјановски и СДСМ да не го злоупотребуваат за политички цели.
„Го повикуваме градоначалникот и општинската организација на СДСМ да не го злоупотребува овој немил настан, за да поентира, со тоа што инцидентот ќе го поврзе со ВМРО-ДПМНЕ и конечно да заземе граѓански пристап, а не потајно да фаворизира проекти за суштинска и симболична етнизација на градот, која беше незамислива до пред тој да стане градоначалник. Безбедноста, сигурноста и заедничкиот живот се многу поважни од тесноградите интереси на градоначалникот и СДСМ, кои ги реализираат на најбрутален начин преку манипулација со граѓаните, промовирајќи антимакедонски платформи и претставувајќи се себеси за миротворци, а останатите посебно ВМРО- ДПМНЕ за проблем во општеството“ - додаде Петковски.
ВМРО-ДПМНЕ очекува и општина Куманово на седница да го осуди инцидентот.
Можеби ќе ве интересира
Поднесено обвинение пртив Сашко Јанчев, пратеникот на Левица, за сообраќајка со смртни последици
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
