ВМРО ДПМНЕ ја ветуваше, оваа власт ќе ја пушти во употреба: Кога ќе тргнат возовите по пругата до Грција
Објавено во: Економија 22 Ноември, 2018
Претходната власт ја вети, а оваа сега ќе ја заврши пругата која Битола-Кременица.
Стари локомотиви ќе возат по железничката пруга со која после 32 години се воспоставува редовен железнички сообраќај меѓу пелагонискиот регион и Грција.
Пругата од Битола до грчка граница долга 16 километри е целосно завршена, а во тек е вториот дел од проектот и најверојатно ќе почне да сообраќа од нова година.
Проектот беше проследен со технички и проблеми во изведба но надлежните се оптимисти дека првите возови ќе тргнат по оваа пруга до Нова година.
-Оваа пруга ќе го поевтини транспортот на битолските производи и ќе ги направи поконкурентни-кажа вицепремиерот Кочо Анѓушев кој додаде дека целиот проект има големо значење за пелагониско битолскиот регион.
17,2 милиони евра е сумата со која се изведува овој проект а шест милиони од овие пари се средства од ИПА.