Внимателно во Охрид, крадци од цела Македонија „оперираат“ по плажите

Добивај вести на Viber

Плажите и паркинзите се мета ма охридските крадци. Во летните месеци расте бројот на кражби поради зголемената фрекфенција од луѓе вдолж охридско-струшката ривиера, истакна портпаролот на СВР Охрид Стефан Димоски кој го најави проектот „Превенција од кражби“ кој опфаќа широк спектар на мерки што ќе ги преземе полицијата за сузбивање на кражбите по плажите. „Во текот на минатогодишната туристичка сезона забележавме 13 кражби и една тешка кражба кои се случиле на плажите и на паркинзите околу  плажите. Токму затоа излегуваме со оваа промотивна кампања бидејќи сметаме дека е потребна едукација на граѓаните, туристите и на целокупната јавност, во насока на зголемување на нивната безбедносна култура и подигнување на свеста за поголема одговорност кон своите предмети“, забележа Димоски. Како што информираше началникот на Секторот за внатрешни работи Охрид, Зоран Сарафилоски покрај превентивното делување, полицијата делува и репресивно со примена на посебни оперативно тактички мерки кои ги презема затскриено. „Бележиме успешни резултати со овие мерки. Досега откривме многу сторители кои доаѓаат од другите градови и вршат одредени кражби во Охрид, особено за време на туристичката сезона“, нагласи Сарафилоски. Проектот „Превенцијата од кражби“ ќе се спроведува на охридско-струшкото крајбрежје со финансиска поддршка од ОБСЕ, а во соработка со велосипедската полиција и волонтерите на Црвениот крст. Летово на помош на охридските, им дојдоа и полицајци од Србија со кои заедно ќе го контролираат брегот и плажите на Охридкото Езеро.