ВНИМАВАЈТЕ НА ОВОЈ ДЕТАЉ: Што е тоа што ги издаде атентаторите во Брисел?
Објавено во: Свет 23 Март, 2016
Браќата Калид и Ибрахим Ел Бакрауи, кои се осомничени дека ги извршиле бомбашките напади на аеродромот во Брисел ги издаде еден детаљ.
Нив ги снимила сигурносната камера на аеродромот во престолнината на Белгија, а на фотографијата се гледа како двајцата мажи се облечени во црно и на двете леви дланки носат ракавици.
Според наводите на белгиските медиуми, терористите на тој начин ги сокриле детонаторите со кои ги активирале експлозивните направи.
Безбедносните експерти сметаат дека, доколку оваа теорија се покаже како точна, лесно може да се утврди каков вид на експлозија е користена.
Третиот маж, кој се наоѓа на фотографијата, но не е облечен во црно, нема ни раквица на дланката, што потврдува, барем во назнаките, проценката на белгиската полиција е дека тој е третиот учесник на бомбашкиот напад и дека на аеродромскиот терминал оставил бомба во патничка торба, а потоа го напуштил аеродромот.
Исто така се сомнева дека терористите на количките за багаж кои ги користеле носеле експлозивни направи, но тоа со текот на понатамошната истрага треба да биде потврдено, како и дали на некој од нив му припаѓале појасот со експлозив и автоматска пушка кои се пронајдени на аеродромот.
Во нападите на аеродромот и метро станицата во Брисел настрадаа 31 лице, а преку 250 се повредени.