Во 15 градови во сабота ќе се слави поканата за членство во НАТО
Објавено во: Македонија 12 Јули, 2018
Македонија започнува нова приказна - добивме покана за членство во НАТО и датум за преговори со ЕУ. Застануваме рамо до рамо со најсилните земји од Европа и светот.
Македонија зачекорува во ново време. Време на надеж, на победи, на гордост. Време на сигурност и безбедност. Доаѓа време на подобар живот за сите граѓани тука во нашата земја. Се изборивме за сигурна иднина!, вака се најавува прославата по повод поканата која денеска официјално треба да му биде врачена на премиерот Зоран Заев во Брисел.
Оваа сабота во 15 градови според најавата на Фејсбук настанот 40 домашни артисти и музичари ќе бидат задолжени да ги забавуваат граѓаните на најавената голема прослава.
Скопје, Куманово, Велес, Кавадарци , Кичево Прилеп, Охрид, Битола Тетово, Кочани, Гостивар, Струга, Гевгелија, Струмица се градовите во кои ќе се слави.
Скопјани во градски парк ќе ги забавуваат Кирил Џајковски, Архангел, Këpurdhat.
Повеќе детали читајте на Фејсбук повикот.