Во Албанија уапсен Исмаил Морина, кој леташе дрон на стадионот во Белград
Објавено во: Балкан 25 Мај, 2022
Познатиот албански навивач Исмаил Морина - Балисти утрово е уапсен од властите во Кукс. Веста е објавена на неговиот Фејсбук профил. На неговото апсење реагираше и лидерот на Демократската партија, Сали Бериша, кој верува дека ќе биде испорачан во Белград поради управување на дрон на стадионот во Белград, и побара негово итно ослободување од затвор.
„Барам негово итно ослободување. Драги пријатели, по наредба на Еди Рама, Исмаил Морина беше уапсен веднаш штом стапна на својата земја како одмазда за дронот што го лансираше на стадионот во Белград со ликовите на Исмаил Ќемали и Иса Булетини. Оттогаш, Исмаил Морина стана најпрогонуваниот човек на Балканот. Рама и Вучич, односно нивните тајни служби поставија стапици против Балисти и измислуваа обвинувања без никаква основа. Најостро го осудувам апсењето на Морина и барам негово итно ослободување. Ги повикувам сите меѓународни организации за човекови права да интервенираат за негово итно ослободување и да го осудат политичкиот прогон на Морина од озлогласениот бином Рама-Вучиќ“, напиша Бериша.
Исмаил Морина во 2017 пушти дрон со знаме на Голема Албанија на квалификацискиот натпревар за Европското првенство помеѓу Србија и Албанија. Министерството за правда на Србија тогаш побара од Хрватска, каде што престојуваше Морина, тој да им биде испорачан што побрзо. Србија бара тој да биде осуден за предизвикување национална омраза и нетерпеливост, а постапката ќе се води во Врховиот суд во Белград.Можеби ќе ве интересира
НА ПАЗАРИТЕ ВО СОСЕДСТВОТО ОТКРИЕНА ЛАЖНА „ПЛАЗМА“: Разбиен огромен синџир на продажба на фалсификувани производи
РЕЗОЛУЦИЈАТА ЗА СРЕБРЕНИЦА ГО „ТРЕСЕ“ БАЛКАНОТ - наместо да го помири регионот како што предлагаа клучни спонзори од Западот
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
СРБИН МОЛИ ПУТИН ДА МУ ПОМОГНЕ: Се борел во Украина, а не добил руско државјанство
УПАТЕНИ НА ПСИХИЈАТАР ВО БЕЛГРАД: Убијците на Данка одат на вештачење
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
Вучиќ им се извини на Словенците по изјавата дека се „одвратни“, но не и на нивните политичари
МАЈКАТА НА ДАЛИБОР ДРАГИЈЕВИЌ: Не се сомневам дека ќе се дознае кој го убил мојот син
ЕВЕ КАКО ИЗГЛЕДАШЕ ГРЦИЈА - портокалов сахарски песок над Атина (ФОТО)
