Во Белград протест против мини-хидроцентралите
Објавено во: Балкан 27 Јануари, 2019
Учесниците на масовен еколошки протест, кој се одржа денеска пред Филозофскиот факултет во Белград, насловен како "одбрана на нашите реки",побараа веднаш да се запре изградбата на мини-хидроцентрали во Србија, поради штетата што ја предизвикуваат врз животната средина и ги пустошат природните ресурси на сите планински реки. Демонстранти имаше од повеќе градови од Србија обединети под еден фронт од девет друженија.
Протестот започна со едноминутно молчење, како што е наведено, за сите реки во Србија кои веќе се уништени од страна на изградба на мини хидроцентрали. Претставниците посочија дека тие не се политичко движење, тие не сакаат политизација на протестите, велејќи дека се собрале за да "се каже не на оние кои и осквернавија реките и природата."
Со петицијата упатена до претседателот на Србија, Александар Вучиќ, беше побарано да се слушне нивната жалба, а беа упатени и критики до министрите за енергија и изградба Александар Антиќ и Зорана Михајловиќ, поради благонаклонетата политика која ја водат за изградба на мини хидроцентрали.