Во Брисел денес ќе се решава за можно суспендирање на шенгенот поради Грција

Добивај вести на Viber

За време на министерскиот состанок на ЕУ денес во Брисел е можно да биде донесена одлука за укинување на Шенгенскиот договор. Тоа е една меѓу драстичните одлуки што може да биде донесена, соопштува британското издание "Фајненшл тајмс" .

Ако овој предлог биде прифатен, Европската комисија ќе може да затвори една или неколку надворешни граници за период од 2 години. Тоа практично ќе значи воведување на гранична контрола слична на онаа која беше воведена уште во крајот на летото од Германија и Австрија.

Министерската средба во Брисел доаѓа по повторените предупредувања кон властите во Грција и повиците до Атина да го преиспита својот став во однос на мигрантите и да побара помош. Во спротивно ќе се соочи со исклучување од Шенген, пишува уште весникот.

"Фајненшл тајмс" наведува дека оваа мерка може да влијае на уште една држава. Предлогот за укинување на Шенгенскиот договор е поднесен од Луксембург.

Потсетуваме дека од почетокот на оваа година Грција примила на своја територија над 700 000 мигранти. Податоците беа обелоденети од Високиот комесар за бегалци на ОН на почетокот на оваа недела. Огромен дел од овие мигранти беа транспортирани до македонската граница од властите во Атина со автобуси и возови.

Македонија веќе две недели не допушта на своја територија економски мигранти. На 28 ноември властите започнаа изградба на ограда на границата со Грција.

Во исто време управувањето на високиот комесар на ОН за бегалци се сврте кон Грција да ги почитува правата на мигрантите кои во моментов се наоѓаат на територијата на земјата и сакаат да продолжат на север кон Централна и Западна Европа.

Организацијата ја изразува својата загриженост и напон од насилството на грчка територија во близина на границата со Македонија. Денес ситуацијата е напната уште повеќе, откако еден марокански мигрант загина во несреќен случај.