Во центар: Во Македонија се спроведуваше сценарио премиер да биде Мицкоски
Објавено во: Македонија 06 Март, 2021
Зоран Заев преживеа во Собранието, каде што и беше изгласана доверба на неговата влада, но го преживеа и бегството и појавувањето на Сашо Мијалков. Тоа беа многу турбулентни седум дена за него и неговата иднина во политиката.
Ова меѓу другото го зборува новинарот Васко Ефтов во својата најнова емисија Во центар, во која го поставува прашањето за тоа каково сценарио се спроведувало во земјава во тие неколку турбулентни денови.
„Само на прв поглед тие два настани не се поврзани меѓу себе. Секој кој барем малку се разбира во политика го гледа ракописот на едно сценарио кое се спроведува(ше) во Македонија.
Сценариото, во таа еуфорија, беше кажано - Сашо Мијалков на слобода, а Христијан Мицкоски премиер. И тоа сценарио не се оствари.
Времето кое доаѓа ќе открие многу работи кои ќе бидат големо изненадување, да не речеме шокирање за македонската јавност. Малку фалеше работата да оди во друг правец. Затоа е така голема нервозата кај оние кои веќе гледаа како го фаќаат гулабот на гранка, за на крај да останат и без врапче во раката“, е дел од анализата на Васко Ефтов.