Во текот на војната ја напуштила државната работа и почнала свој бизнис
Објавено во: Балкан 08 Март, 2019
Почнале во мала изнајмена соба, а денес ја имаат една од најголемите приватни болници на Балканот, пишува српски Телеграф.
Доктор Јасмина Кнежевиќ вели дека иако сите мислат дека за свој бизнис е потребен капитал, сепак според неа тоа не е точно.
Додава дека вистинскиот претприемач гледа шанса таму каде другите не гледаат, но потреба е истрајност и упорност за да човек се впушти во нешто непознато.
Лекарката вели дека во текот на војната мислела дали да си замине од Србија или не, отсекогаш имала претприемачки дух, а како што вели државната работа не нуди шанса нешто многу да се смени.
Почнала во 1995 година, во мал стан кој го делела со стоматолози.
Денес има 400 вработени, и 400 консултанти, што значи дека месечно исплаќаат 800 плати.
Пред години и пол отворила и родилиште во болницата, на што докторката е особено горда.