Во Токио падна ноемвриски снег за прв пат по 54 година
Објавено во: Свет 24 Ноември, 2016
Жителите на Токио видоа утринава ноемвриски снег за прв пат по повеќе од 50 години, соопштија американските медиуми.
Невообичаено студена воздушна маса донесе влажен снег во јапонската престолнина. Тротоарите и автомобилите во западните предградија на Токио се покриени со снег, но бидејќи температурата на воздухот во градот е над нулата, не се формира трајна снежна покривка.
Метеоролози предвидуваат дека ќе падне до 2 см снег, а во планините на северозапад од Токио врнежите ќе бидат обилни. Температурите за еден ден паднаа на 4 степени.
Врнежите предизвикаа благо забавување на утринските возови од и кон блиските населени места. Последен пат во Токио паѓал ноемвриски снег во 1962 година.