12 Јануари, 2025
0.0273

ВРЕМЕТО ГИ ГАЗИ, РОДИТЕЛИТЕ НЕ ЗНААТ ШТО ДА ПРАВАТ: Или немаат лап топи, или пак воопшто немаат интернет конекција

Објавено во: Македонија, Корона Вирус 30 Септември, 2020

Добивај вести на Viber

Многу родители во Македонија воопшто не знаат како нивните деца ќе учат онлајн од 1 октомври, бидејќи или немаат компјутер, или пак воопшто немаат ниту интернет конекција во домот.

Времето ги гази, а овие луѓе не се во можност да набават уреди со помош на кои децата би следеле настава електронски. Проблем најчесто се финансиите.

„Јас сум родител на дете од 7 одделение. Син ми денес ќе проба со мобилен телефон, да види дали може да се вклучи. Не знам како ќе се одвива наставата. Селото е во „дупка“ и нема добра конекција. Исто е и со другите деца во селото, и тие немаат стабилен интернет“, вели Драги Насевски од селото Зркле во Општина Македонски Брод.

И од селото Самоков објаснуваат дека во овој регион има сиромашни семејства со повеќе деца  каде родителот ниту може да купи уреди за сите деца, ниту пак има интернет дома. Како ќе се одвива наставниот процес и тие се зачудени и во неизвесност. Има многу вакви приказни од различни краеви на земјата.

„Ниту имам компјутер, ниту лап топ, не работам, а имам 5 деца кои одат на школо. Близнаците се 3 одделение и тие ќе посетуваат настава во школо, а 3 oд децата треба да учат онлјан. Сите сакаат физичка настава, но што е тука е, не можеме ништо да смениме“, раскажува Јорданка Арсовска од Куманово.

Taa вели дека и децата се загрижени затоа што сметаат дека на ваков начин нема да можат да се образуваат како што тоа би било со физичко присуство.

„Преку еден мобилен телефон не можат сите деца да учат. Тие сакаат да одат во школо, сите деца се знаат меѓу себе и цело лето се заедно“, додава оваа жена.

Дополнително вели дека проблем е како овие деца онлајн ќе ги напишат своите домашни задачи.

Повеќе од 40.000 деца нема каде да ја следат наставата, а од Владата велат дека оваа година нема да се превземат мерки во оваа насока. За толку кратко време не може да се набават толку многу уреди, соопштија надлежните.

Министерката за труд и социјална политика Јагода Шахпаска им порача на родителите на ученици од основно и средно образование дека имаат прилика да ги купат потребните ИТ-уреди за следење на онлајн-настава за време на продолжениот викенд на 10, 11 и 12 октомври кога ќе имаме „Викенд без ДДВ“. 

Сања Атанасовска

Можеби ќе ве интересира

ФАКТОР НА ДЕНОТ: Обвинителството не дало амин за условен отпуст за Мијалков

ФАКТОР НА ДЕНОТ: Обвинителството не дало амин за условен отпуст за Мијалков

ЗА МОСТОТ КАЈ БАШИНО СЕЛО: Извршени се дополнителни испитувања

ЗА МОСТОТ КАЈ БАШИНО СЕЛО: Извршени се дополнителни испитувања

СУБВЕНЦИИ ЗА ВЕЛОСИПЕДИ, ЧИСТЕЊЕ НА ОЏАЦИ, КЛИМАТИЗЕРИ: СДСМ бара власта да преземе мерки против аерозагадувањето

СУБВЕНЦИИ ЗА ВЕЛОСИПЕДИ, ЧИСТЕЊЕ НА ОЏАЦИ, КЛИМАТИЗЕРИ: СДСМ бара власта да преземе мерки против аерозагадувањето

ПРЕД СРПСКАТА АМБАСАДА: Граѓани излегоа за поддршка на Вучиќ

ПРЕД СРПСКАТА АМБАСАДА: Граѓани излегоа за поддршка на Вучиќ

ПРИЈАВИ ЗА СЕМЕЈНО НАСИЛСТВО: Истепани жени во скопско и во Берово

ПРИЈАВИ ЗА СЕМЕЈНО НАСИЛСТВО: Истепани жени во скопско и во Берово

НА ПОВЕЌЕ ПАТНИ ПРАВЦИ ПРОВЕЈУВА СНЕГ: Утре ќе имаме снежна покривка

НА ПОВЕЌЕ ПАТНИ ПРАВЦИ ПРОВЕЈУВА СНЕГ: Утре ќе имаме снежна покривка

ОБВИНИТЕЛСТВОТО ЗА МИЈАЛКОВ: Ниту еднаш не е дадено позитивно мислење и не сме се согласиле со условен отпуст на осудениот

ОБВИНИТЕЛСТВОТО ЗА МИЈАЛКОВ: Ниту еднаш не е дадено позитивно мислење и не сме се согласиле со условен отпуст на осудениот

ЗНАМ: Со усвојувањето на интерпелацијата, Илире Даути е разрешена од претседател на комисијата

ЗНАМ: Со усвојувањето на интерпелацијата, Илире Даути е разрешена од претседател на комисијата

ВРЕМЕНСКА ПРОГНОЗА: Ќе имаме ли снег и на пониските места?

ВРЕМЕНСКА ПРОГНОЗА: Ќе имаме ли снег и на пониските места?