Вучиќ: Шешељ останува во Србија додека Хаг не докаже дека оздравел!
Објавено во: Балкан 04 Април, 2015
Премиерот на Србија Александар Вучиќ денеска изјавил дека Владата на Србија ќе одлучува за барањето на Хашкиот трибунал, кога ќе добијат „документи“ во кои ќе се докаже дека лидерот на радикалите Воислав Шешељ оздравел.
„Ќе одлучуваме кога ќе ги добиеме документите, но во тие документи мора да ми напишат, кога тоа Шешељ оздравел под кои лекарства и методи“, изјавил Вучиќ на денешната конференцијата за новинари во Владата на Србија. Тој потсетил дека Шешељ е пуштен на слобода по 11,5 години поради болест, но не наведуваат ниеден доказ дека во меѓувреме оздравел.
„Шешељ е граѓанин на Србија, во неговата политика не мислам ништо добро но наша работа е да ги заштитиме нашите граѓани и нивните уставни права“ додал премиерот Вучиќ. Тој прашал дали Србија барала да се врати назад Шешељ или они ќе го вратат.
„Владата на Србија има свое достоинство, има гордост за својот народ и правата на своите граѓани. Немам ниеден доказ дека Шешељ оздравел. А што да се врати за два месеци, па со пресуда на судот повторно да го врата“, истакнал Вучиќ. Владата на Србија, како што наведол Вучиќ, одлуката ќе ја донесат во скалд на итересите на Србија и почита на граѓаните на Србија. Тоа со политиката нема врска, изјавил Вучиќ наведувајки го палењето на хрватското знаме во организација на СРС, оценувајки го како нецивилизиран чин за кој не треба да се разговара.
На прашањето на една новинарка од хрватска телевизија, како ја коментира изјавата на официјалните лица дека Анте Готовина е усташ, и кога вие ке кажете некои позитивни зборови за српските генерали, на тоа Вучиќ одговорил. „Кај вас тоа се слави, кај нас тоа е најтажниот ден кога најмалку 250 000 луѓе беа протерани од своите домови. Но тоа што имаме различен поглед на минатото не треба да имаме различен поглед на иднината“, одговорил Вучиќ.
Вучиќ изразил уверување дека со премиерот на Хрватска Зоран Миланович ќе постигнат договор како да се функционира во иднина, и како да се решаваат кризните моменти. „ Ќе дадам се од себе да изградиме најдобри можни односи“, истакнал премиерот на Србија.