Вучиќ одговори кога последен пат го видел Груевски
Објавено во: Балкан 31 Јануари, 2019
Претседателот на Србија, Александар Вучиќ потврди дека се сретнал со првиот човек на ВМРО-ДПМНЕ, Христијан Мицкоски, но при тоа изјави дека во тоа нема ништо спорно. За поранешниот македонски премиер Никола Груевски, Вучиќ изјави дека Груевски не го видел во последните три години, а уште помалку го видел пред бегството.
За време на неговата денешна прес-конференција од страна на новинарите српскиот претседател беше запрашан за коментар во врска со неговата наводна вмешаност во случајот со Груевски и неговото бегство од Македонија, а по повод написи кои ги објави Н1, каде прво пишуваше дека премиерот Зоран Заев во интервјуто изјавил дека екс премиерот на Македонија, Никола Груевски пред бегството се сретнал со Вучиќ и Виктор Орбан, а неколку минути подоцна текстот и насловот беа исправени со тоа дека Заев изјавил дека средбата на Вучиќ и Орбан не била со Груевски, туку со Мицкоски.
Грешката на српските медиуми во однос на средбата со Вучиќ кусо по објавувањето беше поправена.
Груевски доби политички азил во Унгарија, а таму неколку пати беше „уловен“ додека се шета низ градот.