Вулин: Повикот на Приштина и Тирана упатува на Голема Албанија и нова Балканска војна
Објавено во: Балкан 20 Април, 2017
Српскиот министер за труд Александар Вулин смета дека Приштина и Тирана јасно ја пренеле пораката дека целта им е „голема Албанија“, нешто што може да се постигне само преку балканска војна, пренесуваат српските медиуми.
„Приштина и Тирана јасно кажаа која е нивната цел, тоа е голема Албанија и обединување на сите Албанци, каде и да живеат тие, во еден етнички простор. Тоа може да се постигне само преку голема балканска војна, а тоа мора да му биде јасно на Брисел, кој ако не е барем во состојба да осуди, треба да стави до знаење дека таквото однесување ќе биде казнето“, рече Вулин, пренесува Танјуг.