„Wall Street“ стави точка на слободниот пад во последниот квартал
Објавено во: Економија 01 Април, 2015
Американските индекси отстапија во последната за месецот и кварталот сесија во вторник, откако инвеститорите очекувано повлекоа дел од нивниот профит.
„Мислам дека секој е нервозен за тоа што ќе дојде по овој квартал. За мене патот надолу со помал отпор изгледа најдобро логичен“, изјави за „CNBC“ Марис Oг, претседател на „Tower Bridge Advisors“. „Следниот месец ќе биде доста неутрален, додека луѓето не размислуваат во каква година се наоѓаме“.
„Последните економски податоци се добри“, посочи пак Арт Хоган, главен пазарен стратег во „Wunderlich Securities“. Прашањето е дали „имаме доволно добри вести да и помогнам на трговијата нагоре?“
Американскиот долар cе покачува со 9 отсто од почетокот на годината, а се очекува тоа да продолжи да тежи врз финансиските резултати на бизнисот преку океанот.
„Мислам дека ова го храни американскиот пазар“, рече Дејвид Кели, главен глобален стратег во „JPMorgan Funds“. Тој истакна дека „главниот тренд во приходите и на берзата е уште висок“.
„Слабоста на пазарот денес се должеше главно на крајот на кварталот“, посочи пак Питер Кардио, главен економист во „Rockwell Global Capital“. „Една добра четвртина“.
Производствениот индекс за регионот Чигако забележа благ пораст до 46,3 поени во март, останувајќи сепак под очекувањата за резултат од 51,5 поени.
После мирољубивата реторика од претседателот на ФЕД во петокот економските „јастреби“ беше во ред да дадат свои изјави.
Американскиот технолошки концерн „IBM“ планира да развие силен бизнис со поврзување на техника - т.н. „Интернет на нештата“. Компјутерската компанија развива отворена облачна платформа на која компаниите ќе можат да ги пласираат сопствени апликации. Во новата поделба „IBM“ ќе вложи 3 милијарди долари за период од четири години, како капитализацијата на компанијата, сепак падна со 1,33 отсто.
„Starbucks“ ќе дебитира со нова линија на шејкови во некои од своите продавници во САД, како дел од партнерство со француската група „Danone“. Акциите на компанијата поевтинија со 1,35 отсто.