За колку пари е продаден апартманот на Тито во Њујорк?
Објавено во: Балкан 01 Јуни, 2018
Резиденцијата на поранешна СФРЈ на адресата 730 Парк Авенија во Њујорк ќе се продаде за вкупно 12 милони американски долари.
Почетната цена била скоро 20 милиони долари, а државите сукцесори (Србија, Хрватска, Словенија, БиХ и Македонија) за да го забрзаат процесот се согласиле да ја продадат за осум милиони долари помалку.
Апартманот, кој има шест спални соби и четири бањи, беше користен од амбасадорите на СФРЈ во САД, а во него престојуваше и поранешниот југословенски претседател Јосип Броз – Тито за време на посетите на Њујорк.
Станот, кој од 1992 година стои празен, го купила некогашна СФРЈ во 1975 година за сума од 100.000 долари.
Од вкупно 12 милиони долари 3.3 милиони ќе бидат издвоени за оддржување. Најмногу добиле Србија, Хрватска и Словенија.