За Марин Ле Пен битката против буркините не е завршена
Објавено во: Свет 26 Август, 2016
И лидерката на француското десничарско движење Национален фронт, Марин Ле Пен е против носење на буркини во нејзината земја.
Таа изјави дека суспензијата на забраната на буркини на француската ривеиера не е изненадување, но дека битката сè уште не е завршена.
Ле Пен рече дека пратениците мораат што побрзо да гласаат законот од 2004 година за забрана за покривање на главата и другите видливи верски симболи во училиштатата да се прошири на сите јавни простори.
„Биркинито очигледно би било дел од тоа“ - рече Ле Пен.
И поранешниот претседател на Франција, Никола Саркози, кој исто така најави учество во изборот за претседател, синоќа, на митинг на југот на Франција, изјави дека се залага за забрана на буркини на цела територија на Франција.
И Ле Пен догодина ќе се кандидира за претседател.
За носењето на буркини се изјасни и премиерот Мануел Валс, кој исто така е против и даде поддршка на градоначалниците кои претходно забранија носење на ваков костим на плажа.