За Мицотакис поддржувачите на Договорот од Преспа не се предавници?
Објавено во: Балкан 26 Јануари, 2019
Претседателот на најголемата грчка опозициска партија Нова Демократија Кирјакос Мицотакис, вели дека никогаш не би нарекол предавник некој кој го поддржува договорот, пренесе агенцијата АНА-МПА.
Тој изјави дека Договорот од Преспа ќе создаде повеќе проблеми отколку што решава.
„Никогаш не би нарекол некого предавник затоа што го поддржува Договорот од Преспа, ниту пак го поддржувам насилството што го видов изминативе неколку дена“, кажа Мицотакос.
Вели дека гласањето во грчкиот Парламент било критично затоа што „штом еден договор биде ратификуван, потоа не може да се направи многу за да се промени“.