ЗА ПУЏДЕМОН ИСТЕЧЕ РОКОТ: Што им одговори на властите во Мадрид?

Добивај вести на Viber

На каталонскиот лидер, Карлес Пучдемон денеска му истече рокот во кој требаше да даде одговор на властите во Мадрид што понатаму ќе се случува со Каталонија. 

Тој бара отворање на дијалог со официјален Мадрид и  суспензија на одлуката за прогласување на независноста на Каталонија на два месеца.

Ваквата реакција на Пучдемот доаѓа откако шпанскиот премиер, Мариано Рахој побара од него јасно да каже дали минатата недела прогласи независност на Каталонија или не.

„Следните два месеца наша главна цел е да ве повикаме на дијалог и да им овозможиме на меѓународните, шпанските и каталонските преговарачи да го отворат патот за преговори. Нашата понуда за дијалог е искрена, и покрај тоа што се случи“- се наведува во писмото кое Пучдемон го испрати до шпанскиот премиер.

Шпанскиот министер за правда, Рафаел Катала вели дека ваквиот одговор на лидерот на Каталонија не е валиден затоа што со него Пучдемон не успеал да ја објасни позицијата на Каталонија ниту пак какви мерки планира да преземе со цел да ги исполни барањата на Мадрид.

Дел од шпанските медиуми кои успеале да дојдат до писмото, објавија дека во него не се прецизира дали Каталонија формално прогласила независност од Шпанија, но пишувало дека каталонскиот парламент има „демократски мандат“ тоа да го стори по спорниот референдум одржан на 1 октомври.