За што разговарале Заев и Коѕиас во Њујорк?

Добивај вести на Viber

За спорот со името, премиерот Зоран Заев вели дека нема да навлегува во тоа, што шефот на грчката дипломатија Никос Коѕиас ги брифирал грчките новинари, само додаде дека со него разговарале дека двете земји се настроени пријателски.

„Во моментов двете држави ги градат мерките на доверба кои можат да бидат од помош кога ќе дојде моментот да се разговара. Не се разговара за суштински прашања, сега не сум подготвен да разговарам за прашања поврзани со идентитетот. Грција ја посетиле еден милион наши државјани, навистина е вредно да се дадат напори за Македонија да исчекори кон евроатлантските интеграции“ – додаде Заев.

Во однос на промената на името на аеродромот „Александар Велики“ Заев вели дека „коментарите се отидени предалеку“ и дека во овој момент, нема да се дозволат провокации од македонска страна.

„Треба да бидеме подготвени за решавање на проблемот, бидејќи значи автоматска покана за членство во НАТО и почеток на преговорите со Европска Унија“ – рече Заев.

Тој информираше дека идната пролет ЕУ ќе дискутира за давање на шанси на земјите од Западен Балкан, да ги почнат преговорите.

За посетата на Њујорк рече дека евроатлантските интеграции биле во фокусот на сите 30 средби кои ги остварил со светски и лидери на делегации, високи претставници на меѓународни организации, бизнисмени и претставници на дијаспората.

Заев најави вклучување на дијаспората во подобрување на животот во државата со финансиска поддршка и човечки ресурси.