За СЈО плановите А и Б отпаѓаат, сега има план Ц
Објавено во: Македонија 07 Септември, 2019
Mинистерката за правда Рената Дескоска вели дека добро е да се донесе Законот за јавно обвинителство, иако сега веќе не е ургентно.
Ова го изјави откако вчера републичкиот јавен обвинител Љубомир Јовески соопшти дека Јавното обвинителство ќе ги преземе во надлежност и натамошно постапување предметите кои ќе му бидат предадени од СЈО.
Таа додаде дека во моментот веќе не се опција плановите А и Б, туку новата ситуација создала план Ц и ја повика опозицијата да се отрезни од шокот дека за предметите на СЈО ќе има континуитет.
Дескоска се надева дека емоциите ќе слегнат и дека во вторник ќе продолжат со разговори.Законот за Јавно обвинителство се очекува да биде донесен најдоцна до 15 септември. За да биде усвоен потребно е двотретинско мнозинство од пратениците, а неговото носење е клучно и за евроинтеграциите на земјава.