За Жбогар „Рекет“ стана риалити шоу, има порака до судството
Објавено во: Македонија 26 Август, 2019
Судството треба да најде сила да му даде отпор на притисокот, независно од каде тој доаѓа, и за тоа има целосна поддршка од наша страна, порача денеска евроамбасадорот Самуел Жбогар.
Жбогар оцени дека случајот „Рекет“ е трансформиран во риалити шоу.
„Судството веројатно сфаќа дека можеби ја има последната шанса да ја врати довербата кај граѓаните со независна, целосна и брза истрага на случајот „Рекет“, но и на сите други случаи на СЈО“, вели тој.
Жбогар нагласи и дека острата реторика на политичарите што ја користат меѓусебно, но и во однос на судството, не само што ја еродира довербата кај граѓаните, туку и го труе општеството на кое очајно му треба помирување.
Вели дека Европската унија базира на почитување на правилата и на законите и дека секој од елеемнтите во триаголникот „граѓани – држава – судство“, мора да ја знае и точно ја игра својата улога.