ЗАБРАНИ ЗА ДВИЖЕЊЕ, ОДРОНИ: Ваква е состојбата на патиштата утринава
Објавено во: Македонија 02 Февруари, 2022
Зимски услови, влажни коловози и на места кашест снег. Ваква е состојбата на патиштата утрово. Снежни врнежи паѓаат во голем дел од земјава, а некаде врнежите се од дожд.
Токму поради временските услови, на патниот правец Струга - Ќафасан е воведена забрана за движење на тешки товарни возила.
Бидете внимателни и ако патувате преку патниот правец А2 Свети Николе - Миладиновци на 10 км. пред Миладиновци, поради свлечиште и голем одрон.
Таму сообраќајот е пренасочен само на една коловозна лента во должина од 150 метри.