Заев: Рекордни 1,14 милијарди евра врати државата годинава кај кредиторите
Објавено во: Економија 30 Декември, 2020
Премиерот Зоран Заев одговарајќи на пратеничко прашање во Собранието рече дека годинава државата вратила 1.140 милиони евра вратени кај кредиторите и тоа се најмногу пари исплатени до сега од осамостојувањето на земјата.
- Вратени се сите кредити кои доспеваат оваа година, што е силен индикатор за финансиската состојба на државата, рече Заев.
Тој рече дека 96 отсто од буџетот ќе биде реализиран во 2020, а околу 80 отсто од планот за капиталните инвестиции ќе биде остварен.
Годинава буџетскиот дефицит бил 600 милиони евра поради мерките за државна помош, наспроти вообичаениот годишен дефицит на земјата од 350 милиони евра.
- Сочувавме повеќе од 100.000 работни места. 600 милиони евра не се дупка, туку тоа е помагање на нашиот народ и стопанството во кризата. Овие 600-тини милиони евра се вратени назад кон граѓаните, му одговори Заев на пратеникот од ВМРО-ДПМНЕ, Александар Николоски.