Заев: Решавањето на дивоградбата кај „Мавровка“ едно од првите приоритети на новата влада
Објавено во: Македонија 28 Август, 2020
Решавање на фамозната дивоградба пред скопска „Мавровка“ е една од првите работи со кои ќе се фати новата Влада, најави мандатарот Зоран Заев денеска пред новинарите.
-Прво треба да се зафатиме со новите чекори во врска со ковид-кризата, тоа значи прво образованието и детските градинки, развојот на четвртиот пакет на мерки кои верувам со новиот министер за финансии и со другите економски ресори, синдикатите, работодавците ќе ги развиеме. Една од првите работи е и да падне објектот пред „Мавровка“ затоа што е дивоградба и ќе направиме се како влада, да разработивме идеи и верувам дека ќе ги утврдиме заедно со правните прописи, изјави Заев.
Според јавните документи до кои дошле новинарите на ИРЛ, општина Чаир го одобрила барањето за легализација на времениот објект во декември 2019 година. Мевлудин Алити е човекот кој ја поседува и фирмата која што го оперира кафулето “Фонтана” – ТП со угостителска дејност бифе АМ Фонтана во „Мавровка“ и имотниот лист за објектот кој таму се гради, а чии инвеститори институциите не можат да ги откријат за да можат да им го достават решението за уривање,