Загина велосипедист откако го удри товарно возило на раскрсница
Објавено во: Македонија 21 Април, 2023
Повозрасен жител на Чајле почина откако бил удрен од товарно возило додека возел велосипед.
Т.Ј. починал на местото на несреќата, која се случила на раскрсница на улиците Белачица и Гоце Делчев во Гостивар.
- На 20.04.2023 во 15.25 часот било пријавено дека во Гостивар на раскрсница од ул.“Беличица“ со бул.“Гоце Делчев“ товарно моторно возило “ман“ со гостиварски регистарски ознаки, управувано од М.К.(56) од с.Беловиште, удрило во велосипед управуван од Т.Ј.(72) од с.Чајле.
На местото на несреќата починал велосипедистот, а смрт била констатирана од страна на лекар од Итна медицинска помош. Извршен бил увид од Јавен обвинител и увидна екипа од ОВР Гостивар - соопштува МВР.