Започна штрајкот со глад во Идризово
Објавено во: Македонија 10 Декември, 2018
Околу 1.000 затвореници од скопскиот затвор во Идризово започнаа да штрајкуваат со одбивање на храната, барајќи најавената амнестија за обвинетите од 27 април во Собранието да ги опфати и нив.
Поддршка им даде и Алијансата за Албанците на Зијадин Села која напомена дека нема логика да не се осудат обвинети со цврсти докази за кривично дело, а истовремено во Идризово да има затвореници осудени „на слепо“.
истовремено со штрај со глад стапија и затворениците во прилепскиот затвор, а од скопскиот најавуваат и бунт и порадикални мерки доколку Владата не одговори на нивното барање за општа амнестија.
„Почнуваме со дводневен предупредувачки штрајк со глад бидејќи и покрај сите барања до Владата и премиерот досега не добивме одговор во врска со законот за амнестија, кој е во најава. Бараме општа аменстија за сите дела кои ги дозволува Уставот, исто така и статусот на доживотно осудените да се промени во бројка што е во склад со европските закони. Доколку во следните два дена не добиеме конкретен позитивен одговор од страна на Владата и работното тело за помирување, ќе продолжиме со штрајкот со глад и ќе организираме мирни протести со нашите фамилии пред Владата“, пишува во писмото испратено до управата на „Идризово“.